Berriak
Jaso Biribilkoren inguruko berriak zure posta elektronikoan Buletinerako harpidetza
BILBOKO MERKATARITZA ESTABLEZIMENDUETAN EUSKARAREN EGOERARI BURUZKO OINARRIZKO ADIERAZLEAK LANDU DIRA
Biribilko merkataritza-direktorioa eguneratzeko lanen barruan, 2012ko irailean, Bilbo osatzen duten auzo desberdinetan egindako landa-lanean, euskararen egoerari buruzko datuak jaso ziren 2.794 merkataritza establezimendutan. Horretarako, establezimendu horiek banan-banan bisitatu ziren eta hainbat datu eman zituzten galdera-sorta bati erantzunez. Datu horiek erabiliz, Bilboko merkataritzan euskarak bizi duen egoerari buruzko oinarrizko adierazle batzuk landu dira:
- Establezimendu horietan lan egiten duten ia 8.800 pertsonen %15 euskaldunak dira. Proportzio hau, Bilboko 16 urte eta gehiagoko biztanleen artean aurkitzen denaren parekoa dela esan daiteke (%16koa baita)
- Kanpoko errotulu nagusian, maila handiagoan ala txikiagoan, euskarari sarbidea eman dioten establezimenduak %12,5 dira.
- Establezimenduen %32k web orria duela esan du eta horien artean %12k web orri hori euskaraz ere badagoela esan du.
- Establezimenduen %41k interesa agertu du bertan euskara sustatzeko: %17k interes handia adierazi du eta %24k nahikoa.
PDFa jaitsi [296.28 Kb]
2014-06-10 Iruzkinak